RIKSICHIKYUYAY
Ecuador mamallaktapika Ishkayshimi Kawsaypura Yachaytami runakunapa tukuy shimikunata ashtawan sinchiyachinkapak wiñachishkanchik.
1988 watamantami Kichwa rimayta sinchiyachishpa katimushkanchik. Chaymantami tawka kichwa kamuta yachachina shuktak hillaykunatapash rurashpa shamukushkanchik. Kunan pachapika kichwa shimitaka Punasuyupi, Antisuyupi, Kuntisuyupi apak mashikuna KAMAK ukupi tantanakushpa rimanakushpa ari ninakushpami sinchiyachishkanchik.
Kunan watakunapika, Punasuyu tiksi yachaypak KICHWA YACHAY KUKAYU PEDAGÓGICO kamukunata rurashkanchik, kay kamukunaka yachakukkunapa yachachikkunapa pushakkunapa makipimi kan, kay yachaykunata sinchiyachinapakmi kichwa kamachik kamuka achka mutsushka rikurin.
Shina kashkamantami KAMAK tantariyka kay KICHWA SHIMI YACHAY kamutaka, yanapak kamukunapi tiksiyarishpa, kikin yachaykunawan sinchiyachishpa killkashkanchik. Kay kamuka pichkaniki tantachi yachaytami charin:
Shukniki tantachi yachaypika, ñukanchikpa shimi imashina wiñarikushkamanta, kunan punchakama shukyarishpa shamukushkata, shinallatak allikillkaypak mutshurik yuyaykunatami churashkanchik.
Ishkayniki tantachiyachaypika, uyay awariymantami rimakun, kaypika, uyantinkunata uyaywakunatami chikan rimaykunawan rikurishkata shuk shinalla killkanatapash willakun, shinallatak, shimikikuna awarishkatapashmi rikuchin.
Kimsaniki tantachiyachaypika rikchay awariymantami rimakun, chaypika, sapikuna, shuti, shutilli, shutiranti, imachik, imallichikkunapash imashina kashkamanta, imashina yuyaypi rikurishkanatami rikuchin.
Chuskuniki tantachiyachaypika yaparik shimikunamantami achkata killkashkata rimakun, kay shimikukuna imata rikuchik kashkatapash shuk shuk yuyaykunawan churashpami rikuchishka kan.
Pichkaniki tantachiy yachayka, chay awarimantami rikuchin, kaypika, yuyaykikuna imashina awarishkamanta, imak, paktachik, imachikpash awarishkamanta; shinallatak, chay samikunamantami rikuchin.
Shina kashkamantaka kay sumak kamuta kikinkunapa makipimi churapanchik, munaywan kuyaywan ñukanchikpa shimita sinchiyachishpa katipashunchik. Killkakkuna
Kichwa shimita alli killkana kaypi riksishun:
SHUKNIKI Tantanchiyyachay Kichwashimi wiñaykawsay ISHKAYNIKI Tantanchiyyachay Shimi uyarik kancha KIMSANIKI Tantanchiyyachay Shimikancha
CHUSKUNIKI Tantanchiyyachay Shimikukancha PICHKANIKI Tantachiyachay YuyayAwariy
La presente publicación corresponde a la transcripción del texto en referencia
Kichwa kamu ruraypi yanapakkuna.
- Imagen, Portada del documento publicado por el Ministerio de Educación, con todos los créditos correspondientes.
- ALMEIDA, Ileana, Quichua Rimai Yachai 1, Quito, MACAC, 1987
- AJITIMBAY CRUZ, Segundo A. Kichwata Yachashunchik, módulo, Riobamba, 2002.
- CAIZA, José: Kichwa Tiksi yachay. Módulo de Enseñanza de gramática. 2003.
- CAMPAÑA Kléber: Compilación de Estructuras de Kichwa Básico y Avanzado, 2007.
- CATTA QUELEN, Javier, Gramática del Quichua ecuatoriano, 2ª de,Quito, Abya Yala 1987
- CORDERO, Luis, Diccionario Quichua castellano, 5ª de. Corporación, Editora,Quito,1992.
- COTACACHI, Mercedes: “Ñukanchic Quichua Rimai Yachay”. Cuenca, 1998
- CUNDURI, María, Folleto de Gramática de la Lengua kichwa. Riobamba. 2007.
- DINEIB: Kichwa yachaypa Kukayu. Colección Kukayu Pedagógico, 2006.
- Proyecto Regional de EIB Kichwa Andino: “Mushuk Shimikuna”, 2004
- VARIOS, SISAYACUC SHIMIPANPA Diccionario Infaltil Quichua, LAEB – CuencaDINEIB, UNICEF, GTZ. 108
- ANDY VARGAS, Pedro Domingo: “Mushuk Kichwa Killka Llika”, 2001, Tena.
- DINEIB: Diccionario trilingue para escolares.
- PARIS, Julio, GRAMÁTICA DE LA LENGUA QUECHUA, Tercera Edición,
- Editorial Santo Domingo, Quito, 1961
- QUINDE, Andrés, Folleto de Gramática Kichwa, 2004.
- QUISHPE, Cristóbal y CONEJO Alberto: “Kichwa Rimay Yachay” (Modulo Auto Instruccional), Quito, 2007